Plantun de Prouvènço

Pèr coumpara dos planto d'encò nostre

Rorippa sylvestris & Fraxinus excelsior

Rorippa sylvestris

Brassicaceae Cruciferae

Nom en français : Cresson des bois.

Descripcioun :
Lou creissoun-de-bos es uno planto primo emé de fueio proun divisado. Fai de flour jauno d'or, li boudousco soun estrecho (< 1,5 mm). Trachis en ribo de ribiero.

Usanço :
Li flour e li fueio soun manjadisso dins l'ensalado. Es uno planto vertuouso contro lou mau-de-terro (escourbut).

Port : Erbo
Taio : 10 à 50(60) cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Rorippa
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 7 à 8 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun

Liò : Ribiero
Estànci : Mesoumediterran à Coulinen
Couroulougi : Éurosiberiano-Sud
Ref. sc. : Rorippa sylvestris (L.) Besser, 1821

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).